[A:39a]zer/ de la slob dpon gyis/ brgya byin mig stong ldan yang de nyid mthong mi 'gyur/ /drag po mig gsum ldan yang de nyid mthong mi 'gyur/ /tshangs pa 'jig rten mthong yang de nyid ga la mthong / /ArYa de wa mig gcig po ni gang yin des/ /srid pa gsum po ma lus pa yi de nyid mthong / /zhes gsungs/ kho thems pa la bzhon nas sngar bzhin zer ba la/ khyod rang gi 'dod pa la rag las byas pas/ der kho na re/ khyod dang nga gnyis rtsod pa bya'o/ /su pham pa rang rang gi lta ba 'dor ro zhes zer/ rtsod pa byed pa'i sa phyogs su snga rgol phyir rgol dpang po'i khri bshams/ snum dang byi la nag tshangs pa gcer bu dang ko ba rul pa sta gon byas te/ dpang po rgyal po dang phyi nang gi paNDYi ta gsum gsum/ rgyal na gzengs bstod/ pham na sma 'beb pa'i tshogs chen po 'dus so/ /rtsod pa byed pa'i dus su khos dang por thod le kor paNDYi tar bsgyur te/ nga'i 'di'i lan thob cig zer ba la/ so phag gi thang la snum byugs pas ri mo ma byung / de nas ne tso bton pas byi las ske bcad/ der kho na re/ khyod la sdig pa 'ong zer ba la/ dpal gyi ri la sdig sbyong byed pa'i sgom chen gcig bzhag nas yod byas pas/ der sdig sbyong byas pas khyod kyi sdig pa 'byang ngam zer ba la/ 'o na byi las ne tso bsad pa'i sdig pa nga la cang 'ong ngam/ lan med/ der sring mo bton byung bas nag tshangs pa gcer bus ded pas ngo tsha nas bros so/ /der rtsod pas ma thub pas dbang phyug chen po lus la zhugs su re ste ma zhugs pas kho pham ste gyen du bltas pa dang gdugs kyi 'og tu ko rul 'dug pa mthong nas bcad de bskyur ba dang / dbang phyug kho'i lus la zhugs te rtsod pas/ dang por de na gnas pa rnams kyis go bar du cung zad re las ma go tha mar sngar ma grags pa 'ba' zhig gis rtsod pas slob dpon rgyal yang sus kyang ma go der kho brgya byin mig stong yod par sprul pa slob dpon gyis phyag stong spyan stong du sprul te zil gyis mnan/ der khos kha nas me phyung ba dang / slob dpon gyis zhabs nas chu phyung ste me bsad pas der slob dpon rgyal bar bsngags pa dang / kho na re khyed la dpang po yo bas mu stegs zhi bar smra ba'i sde pa'i ba lang rdzi'i rtsar rtsod do zer kho rang gi phyogs su yong re bas/ slob dpon gyis gling bu'i sgras ba lang rdzi'i sems bzung bas des kyang slob dpon rgyal bar byas/ der kho bar snang la bros pa ded nas/ de nas ma bros shig rlung spu gri bya ba yod kyi/ des lus dum bur