[A:273a]gyis mi khyab pa mnga' yang 'o skol dang mjal du med/ chos mi gsung na ci la phan ces gsungs pas thams cad der gros thag chod/ rin po che la zhus pas/ dpa' bo dang mkha' 'gro thams cad mdun ma de la ma mnyes gsung / zhang nas chos bshad pa la mi dgyes pa'i dpa' bo dang mkha' 'gro de bdud rang yin gsung / der bka' bgros snga ma la gdams na spyir bod/ sgos dkar brgyud kyi bstan pa la ches phan pa zhig yong rgyu yin te bsod nams la ma bskos pa yin gsungs/ de nas grwa pa rnams la dbang byin brlabs rgyud man ngag thams cad gang la gang 'os pa gnang bas nags khrod de la dpal kun tu bzang po'i nags tshal zhes grags te/ 'og min gyi zhing byas kyang de kha/ rdo rje 'chang byas kyang bde gshegs phag pho gru pa/ sa bcu pa'i 'khor byas kyang rab tu byung ba brgyad brgya tsam 'dus pa'i skal ldan 'di rnams so zhes lha dang bcas pa'i 'jig rten na grags so/ /dgung lo drug cu rtsa gcig pa la gshegs te ngo mtshar ba'i ltas bsam gyis mi khyab pa byung ngo / /de'i bu chen byon pa ni/ mos gus mthar phyin stag lung pa/ rtogs pa mthar phyin sna phu pa/ shes rab mthar phyin spar phu pa/ nus mthu mthar phyin mchan bu rgya ras rnams la mthar phyin gyi bu bzhi zer/ skal ldan ye shes sengge/ rtogs ldan mi nyag sgom rings/ grub thob nyag re se po/ kun ldan gtsang pa ras chung rnams la gdams pa'i bu bzhi zer/ chos rje 'jig rten mgon po/ bandha phug pa/ chos rje lUm/ chos rje gtum rnams la ro gcig rtogs pa phyed dang bzhi zer/ bla ma dmar pa/ ye phub pa/ dgyer sgom/ bshes gnyen sengge dpal rnams la nye ba'i sras bzhi zer/ gzhan bla ma zhang / dge bshes glang / gshen rdo rje sengge la sogs pa slob ma bsam gyis mi khyab pa thon/ /de las stag lung thang pa ni/ g.yang shod bong ra steng du/ yab ban blon 'bar po'i sras su 'khrungs/ bco brgyad bzhes pa'i tshe/ thang skya lha khang du bla sgang pa'i sar bros/ mkhan po na ston bla sgang pa shes rab rdo rje dang / slob dpon tshar ston sgo mang pa las rab tu byung / dge bshes brag dgon pa la 'grel chung spyod 'jug bslab btus/ lam sgron sogs gsan rgya gar rang la 'gro dgongs kyang zla bo dang bangs bsnyags kyis zin nas ma thon/ de nas phag gru'i snyan pa gsan nas 'byon par dam bcas pa'i dus/ mnal lam du skas ring shig la