[A:243a]ltem gang ba byung / de bla ma'i spyan sngar dkyil 'khor gyi stegs bu yod pa'i khar spungs nas bshums pas ci'ang mi lto/ jo bo nA ro pa'i bu brgyud la sdig po che btsan thabs su sangs rgya ba yod pa yin gsungs/ cung zad dgongs pa la bzhugs pa'i mthar se gol gtogs pas thams cad nam mkha' la dir rgyab ste 'phur/ de dag gi bya rjes stegs bu la byung ba da lta'i bar du yod de/ des bla ma yab sras la yid ches/ rngog gis gdam ngag gnang yang bla ma'i bkas ma grol bas myong ba ma skyes sras che 'don gyi dus su bla ma'i spyan sngar byon/ che 'don tshar/ grwa pa bying gyes/ dbu che rags pa yod pa'i dgongs shig tshogs 'khor byed gsungs/ der bying tshogs/ dbyug pa zhig sku gzhogs su bzhag pas/ yum gyis dgongs nas rgyang bskyed de bzhugs/ der mar pas phyag sdigs mdzub mdzad rngog la gtad de spyan hur phyung nas/ chos sku rdo rje zer ba ma bcol ba byed mkhan khyed mthu chen la dbang bskur man ngag ster ba'i rgyu mtshan ci yin gsungs/ rngog bred nas de ltar byas chog pa'i bla ma rang gi phyag tham dang byin rlabs rten rnams gnang byung ba lags zhus pas/ mthu chen de khyod la sus bskur gsungs/ bred nas bdag la yum gyis gnang ba lags zhus nas rgya mthongs su mchongs te phyir byon/ yum la phyag 'bebs mdzad du phebs pas yum gyis sgor byon bcad de bzhugs pas/ phyag srad srad pa zhig mdzad bzhugs gdan khar bzhugs/ rngog la nga'i byin rlabs rten rnams da lta rang long shog gsungs 'byon par chas te phyir thon pa na/ a bo mthu chen gyis na bza' la 'jus nas phyag phyir 'gro bar zhus pas/ a bo mthu chen ngas khrid rung da res kyi 'di dang 'dra/ bla mas rjes su 'dzin te 'ong / yus kyis mi 'dzin na gdod bla ma'i gnang ba zhus te phan gdags so gsung ba la/ phung po nga 'dra ba/ nga rang sdug pa ma zad yum dang bla ma la'ang 'di lta bu'i 'o brgyal byung / nga skye ba phyi mar chos dang mjal ba zhig thugs rjes 'dzin dgos zhes lceb par brtsams pa na/ bla mas bu de 'dra ma byed/ gsang sngags bla med kyi lugs la phung po sangs rgyas kyi bdag nyid yin pas de la brnyas na rtsa ltung phog mdo lugs la'ang rang srog rang gis gcod pa sdig pa che shos su gsungs pa yin/ de ltar ma byed gsungs pa'i ring bla ma thugs sos