[A:238a]lus ngag yid gsum yang 'bul/ bdag la yul mi khyim mtshes skyid du 'phangs pa 'ga' bdog pa mthu mthil phyin pa zhu byas pas/ kha pho che bar mdzad/ khong lnga dang mnyam du mthu zab zab 'dra bar mang po bslabs/ grogs po rnams mgu nas log rje btsun gyis khong tsho bskyal nas log byon pas/ bla ma nas khyod mi 'gro ba ci yin zer/ der bla ma rang gis gnang ba'i rdzong de rnams phyag rten du btang nas/ ngas yul du mthu'i rtags ma thon par log na a ma nga'i mdun du lceb nas 'chi sdod pa yod/ mthu rtags thon pa zhig zhu byas pas/ glen pa khyod dang po nas de skad zer/ brtag pa myur ba zhig bya gsung grwa pa stobs che la mgyogs pa zhig yod pa de bden rdzun ltar btang / kho 'khor nas thos pa dga' bden par 'dug zer/ 'o na gtsang rong gi lha rje ye shes gzungs dang nga gnyis blo mthun pa'i grogs po byas/ mthu dang ser ba brjes/ nga'i thad du mthu slob pa byung na khong can gtong / khong gi rtsar ser ba slob tu byung na nga can gtong bar byas pa yin 'bul chas dang / nga'i bu 'di snying rje bar yod pas mthu gsha' ma zhig slobs shig zer ba'i yi ge mdzad de brdzangs/ khu lung du lha rje ye shes gzungs la yi ge gtad 'bul ba phul nas/ sgrub khang lag mthus glags mi rnyed pa zhig bzos/ der drag sngags gza' gdong dmar nag zhus nas bsgrubs/ zhag bdun song ba dang bla ma byon/ sngar yin na des chog gi yod gsungs pa la/ thag ring gi mthu lags pas rgyun bsring pa lags zhus pas/ bden yong gsungs/ yang bdun song ba'i nyin bla ma byon nas/ mdang dam can rnams kyis mi mgo sum cu rtsa lnga dkyil 'khor gyi mthar spungs/ ngo so zla ba bzhin 'phyar nas slebs byung / bsgral rgyu gnyis 'dug pa bsgral lam gsung / snying tshim gyi rten du gzhog pa zhu/ da chos skyong la gtang rag thong gsungs/ mtshams thon btang / de'i tshe a khu'i bu la chung ma blangs nas bag ston byed pa'i mi tshogs pa'i khyim rdib nas ma smad la gnag pa'i mi sum cu rtsa lnga shi a khu dang a ne lus/ der lha rje la gnubs kyi ma phur gshin gsum sgyu 'phrul dang bcas pa bslabs shing bzhugs pa'i phyi lo ma'i yi ge slebs/ mthu'i rtags thon byung tshul/ da dung ser ba gyang