[A:235a]'tshur la bzhugs pa thos nas gsan/ nyams len mdzad pas sgyu ma lta bu'i ting nge 'dzin skyes/ des byang khang pa bsod nams rin chen/ khong gnyis ma gcig pa'i spun/ sngar byang khang pa slob dpon/ phyis 'khon la 'dus pa gsan pa yin/ 'di la sba ba sbubs su nub/ gtsug tor 'phags/ des thur la ba tshul khrims skyabs la/ de mdo rgyud kun la mkhas pa lo bcu gnyis bsgoms pas grub pa brnyes/ des thad dpe ba 'phags pa skyabs la slob gnyer mthar phyin/ nyams rtogs khyad par can skyes/ des gser sdings pa gzhon nu 'od la/ des 'dul 'dzin chen po jo bo'i lam rim la mkhas pa zhig shab kyi sna rings su klas mo che bas zhabs tog mdzad/ khong gi ston pas 'phags skor mi mkhyen nam zhus pas/ 'phags skor mkhan po gar bdog gsungs pas/ khong na re/ lha sa'i rgan mos lha sa mi mthong / thur la na gsang sngags kyi sdong po 'phags skor mkhas pa 'phags pa skyabs bzhugs pa ma gsan nam gsung / cung skyengs pa zhig byung / tshur log slob dpon gtsang pa la ngo chen bcol/ 'phags pa'i gsung gis kho bo lam thogs pa zhig bgyi gsung gsang 'dus gzhung bshad man ngag thams cad tshang bar gnang / gzhan yang mang du zhus/ bla ma mang du bsten/ kha che paN chen dang klas mo cher mjal/ gser sdings btab/ mkhas pa thams cad kyi dri sa/ mi chen thams cad kyi gtugs sar gyur/ de la nyid kyi slob ma mgar grags pa dbang phyug bya ba'i sring mo la sras skyes thob kyi shes rab 'gran du med pa zhig byung nas bdag rkyen mdzad/ sbyangs pa mthar phyin byed du bcug mtshan chos sku 'od zer/ 'dis chos ci zhus pa thams cad lan res 'dzin nus pa yin zer/ dus 'khor sogs rgyud sde la mkhas pa chen po de la 'phags 'od yon tan rgya mtshos gsan/ bu ston gyi bla ma rdo rje rgyal mtshan la dus 'khor gsan pa'i tshe/ kho bo yo ga'i chos 'di rnams nyan par 'dod de nyan sa ma rnyed zhus pas/ 'o na nged kyi mched grogs 'phags 'od yon tan rgya mtsho zhes bya ba zhig skyid mkhar mda' na yod/ de la zhus gsung / zha lur phebs 'phral rtsad bcad pas mtshan mthun pa zhig dang nor/ phyis ma nor ba rtsad chod/ yang na nged der yong / yang na 'dir phebs dgos zhus pas/ 'phags pa'i gsung