[A:201a]de la rje sa chen gyis gtugs/ de ni 'khon dkon mchog rgyal po dang zhang mo'i sras su 'khrungs/ dgung lo bcu gcig lon pa dang yab gshegs/ gdan sa ba ri lo tsA la gtad/ des a ra pa tsa na'i sgrub thabs gnang bas zla ba drug nas 'grub/ bcu gnyis pa la rong ngur smrig tu byon/ brang sti la mngon pa/ zur chos pa byang chad sogs la sa sde/ nyang stod du khyung rin chen grags la rnam nges sogs gsan nas sa skyar phebs/ ba ri bas gdan sa gtad/ de'i gdam ngag bla ma gnam kha 'u ba/ 'khon sgyi chu ba bsten/ bar der se dang mjal tsam byung / mal lo tsA ba bsten/ de nas sag thang du phebs/ thags mkhan tsho gcig 'dug pas zhang dgon pa la mjal gyis byas pas/ pha ki ka yin zer/ gzigs pas mi mang po zhig gi gseb na sham thabs cig gsol/ sha 'gag med par ra thul phyir log tu gyon nas yog ga byed cing gtam chal chol mang po mdzad kyin 'dug der drung du phyin phyag dang phyag rten phul bas nor ba yin gsungs zhal gyis ma bzhes/ sa chen rang yang nor 'dug log 'gro dgongs tsa na/ jo sras 'od mchog zer ba'i phas zhang la/ 'o skol rang mkhar chu ba na yod tsa na/ sgyi chu ba'i grwa pa zhig la nga'i bla ma'i sras po yin gsungs nas pang du len pa de 'dra na ldog pas cang mchi'am zhus/ 'o na dam tshig gi nyes par 'gro nyen yod bos gsungs/ bos lo rgyus zhib tu mdzad pas thugs ches/ ngas da ci ngo ma shes par rdzun byas/ man ngag yod de sngar ma bshad pas bsam mno 'dra gtong / phyis 'dir byon gsungs pa bzhin byon/ lo bzhi bzhugs/ gsung ngag ma lus pa/ lam skor dgu phra mo nyi shu rtsa brgyad/ kye rdo rje rgyud rkyang gi bshad pa/ gsang 'dus mnyam sbyor la sogs rgyud sde dang gdam ngag mang po gsan/ gdam ngag rdzogs te sgrub pa lung byin gyi skabs su/ lo bco brgyad kyi bar du chos 'di gzhan la ston pa lta zhog 'di 'dra yod tsam dang shes pa ming tsam yang ma 'don/ yi ger ma bri/ de nas gzhan la 'chad dam/ yi ger 'dri'am/ gang byed kyang khyod rang chos kyi bdag po yin gsungs bka' rgyas btab/ spyir khyod kyis sgrub pa gtso bor byas na tshe 'di la phyag rgya chen po mchog gi dngos grub thob/ nyan bshad