[A:34a] 'gel ba dang/ phyibs pa'i chu sgud pa sogs byed par snang ba ni/ 'od gsal la mnga' brnyes pa dang/ rmi lam 'byongs pa dang/ rmi lam gsal po yod pa rnams la de lta bu'i rnam pa yod ces kyang 'byung la/ mgon g.yag gis 'ong khrod du phyin pa na/ 'brog pas mda' rgyab/ 'brong gis de kha'i rjes phyir 'brangs mi de shi/ shi ba'i sbra sgo 'gag du nyal/ ro skyal ba'i rjes phyir phyin nas/ ro shul du 'dre mo byas/ des rtogs pa langs/ rjes kyi mi rnams gus pas lud pa'ang byung/ skabs gcig rkyen gcig la thugs khro ba byung pa na/ mi nag po gri thod 'dzin pa/ rngam la rjid pa/ gzugs thung la yan lag hrags pa/ mig gsum yod pa gcig gzhugs gdan gyi zur du byung nas/ bdag gis phrin las ci bsgrub lags zer/ de ma thag thugs dran gyis zin te/ dge slong rgad bu dag la phrin las bsgrub rgyu ci yang med zer ba byas gsung/ gzhan yang chos skyong gis phrin las bsgrub pa'i rnam grangs mang te/ yi ge mangs dgos ma bris pa lags/ phyag zhabs mthil na 'khor lo gsal bar dod/ gas ba'i sba ba mi mngon gnas su thim/ sum bcu'i mtshan mnga' dpe byad brgyad bcus spras/ lta ba mtshungs med chos rje'i zhabs la 'dud/ de'ang 'di skad thos te/ phyag gi mthil na mtshon cha 'khor lo rtsibs drug pa dang/ zhabs kyi mthil na 'gro ba 'dren pa'i 'khor lo gnyis ni/ mkhyil ba'i tshul du yod la/ de'ang zhib zan sla mo sbyar ba dang/ zhal ba'i steng du zhabs rjen par byon dus gsal bar yod la/ zhabs mthil khod snyoms pa la long bu med cing/ mthil bzhi ka 'jam zhing khod snyoms pa gzhon sha chags pa/ reg bya'i khyad par bsam gyis mi khyab pa dang/ phyag rkyang pa na dpus