[A:30a] 'dzin 'khrul pa rang sar zhig te/ 'khor 'das mnyam nyid du brtogs pa dang/ thabs lam la brten nas byang sems thig le gsum la rang dbang 'dus pa dang/ mdor na tshe 'di la zhen pa log te mi rtag pa'i dran 'dzin gyi 'jig rten blos btang gi bsgrub pa byed pa dang/ rang nyid bstan pa'i lam sna zin nas/ gdul bya gzhan rjes su 'dzin pa'i slob ma'ang shin du mang zhing/ de'i gdams pa'i gnad sna re tsam thob pa ni/ sa'i dkyil 'khor gyi mthar thug par khyab pas na grangs rjod par mi nus pa'o/ rgyal ba'i rgyal tshab rgyal ba las lhag pa'i/ lo ni bcu phrag dgu dang gsum zhes nas/ lang mtsho yol kyang mdzad spyod bsam mi khyab/ smra rjod dul 'das chos rje'i zhabs la 'dud/ de'ang rgyal tshab dam pa spangs rtogs yon tan gyi cha rgyal ba las lhag par smra ba ni ma yin la/ rgyal ba shAkya thub pa ni 'dzam bu'i gling 'dir/ gong lo gya bcu pa la mya ngan las 'das pa'i tshul bstan pa yin la/ de'i sprul pa rje rin po che ni/ rgyal ba las kyang gong lo'i grangs ma lhag par gzhugs te/ dgu bcu go gsum gzhes pa'i phyir ro/ lang mtsho yol kyang mdzad spyod bsam mi khyab pa ni/ che long tsam zhig rjod na/ tshogs kyi mkhan sar phebs dus/ de'i chos spyod kyi rim pa 'khrug pa dang/ mi gsal ba dang/ mthor ba rnams bsdus te/ sman bla'i mchod khrigs/ gnas brtan gyi cho ga chen mo/ rnam 'jam nyer gcig gi mngon brtogs/ maNDal bzhi pa don zhags dang/ bcu gcig zhal gyi yig cha tshang ba/ rnam sras bkor kyi mchod khrigs/ 'khor lo bca' thabs/ 'dul ba'i las chog/ mthol gshegs/ chos 'byung rin po che/ tshad ma'i