[A:28a] drug gzhugs/ de'i ring la sprul sku rin po che rab tu byung/ rtogs ldan zha dmar bas bsnyen rdzogs mdzad/ sems tsam lugs kyi sems skyed kyi cho ga dang/ dus 'khor dang bde mchog mkha' 'gro rgya mtsho/ gsang 'dus gnyis med rnam rgyal/ rta mgrin yang gsang khros pa/ tshe dpag med grub rgyal ma rnams kyi dbang dang/ de'i tshe khrid kyang phul/ skye bo'i tshogs dang der lus pa'i che btsun rnal 'byor pho mo/ dpon slob gnyis kyis bsdus pa'i/ skye 'gro rnams la chos dang zang zing gi longs spyod mtha' yas pas/ thams cad dgyes shing tshim par mdzad/ yar thegs khar bla dpon byin gyis/ zhal mdzom du bsnyen rdzogs kyi bar gzhugs pa'i zhu ba ni mdzad gin 'dug/ dngos su zhal gyis gzhes pa ni ma mthong/ gang ltar na'ang sprul sku rin po che'i bsnyen rdzogs de tsam gcig ma gtogs tshe 'di'i bya ba tshar gsung pa skabs su gsung bar 'dug na'ang/ bsnyen rdzogs ma 'phrod pa ni/ mi'i dbang po grags pa rgyal mtshan pa sku gshegs pa dang/ de'i gdung phul ba la byi ba lo zla ba drug pa'i nang / dpon bkra shis 'byung gnas byon/ 'dir yang slob dpon pa dang khong rnam gnyis nyam 'dzer gcig byung pa la rten nas/ rje'i drung du sprul sku'i bsnyen rdzogs mdo khams su mdzad par yod zer ba'i zhu ba phul/ de mi bden pa che gsung pa lan gsum gyi bar du bskyar bas/ snga ma bzhin zhus/ 'o na kho bos de'i dbug gded la gdad pa yin/ gzhan brel ba med gsung nas/ zhu yig phul ba na slar yang/ sku skye nam mkha'i nor bu zhig myur du shar ba yud tsam ma yin/ lo brgya'i bar du bstan par gzhugs gsol 'debs/ gzhan du na'ang dus gsum mkhyen pa yi/ gong lo'i tshar bar cis kyang gzhugs par zhu/ gsung pa