[A:13a] pa yin pa 'dra/ mal gyi 'og na ni dor ma gcig bcug 'dug/ tho rangs kha ni skyo glu rang len gyi 'dug/ ci na bsam pa byung gsung/ de'i dus phag dkar gyi bstod pa 'di gsungs pa yin par byung ngo de nas rdo rje rnal 'byor ma'i zhal gzigs par yang grags/ mkhas mnyam pa mang po yang 'dus de rnams la / gang la gang 'dul gyi gdams pa 'dren pa'i theg pa gsum po dag bcom ldan nges par gsungs legs na/ rgyu 'bras lhun grub du phyod cing/ sangs rgyas gzhan nas mi 'tshol ba'i/ nges pa'i theg pa cis ma gsungs/ zhes pa'i lan du/ rgyu la mos pa rgyu chos kyi/ 'khor lo rab tu bskor byas nas/ rdo rje theg pa'i nye lam zhig/ ma 'ongs dus su 'byung par 'gyur/ zhes gsungs pa'i don thugs la bzhag nas/ sgra don du gnyer ba la sgra'i bstos dang/ tshad ma don du gnyer ba la tshad ma/ byams chos don du gnyer ba la byams chos/ mngon pa gong 'og don du gnyer ba la mngon pa/ 'dul ba don du gnyer ba la 'dul ba/ snyan dngags don du la gnyer la snyan dngags/ dbang dang man ngag don gnyer du la dbang dang man ngag/ mdor na/ gang la gang 'tsham gyi gdams pas gdul bya rnams tshim par mdzad de/ 'chad nyan kyang shin du 'phel/ gra dpung kyang che/ dpon rnams kyang thugs la 'dogs pas/ gra pa byin she mo che zhing/ kha grag drags pa'i stobs kyis/ cung byang chub sems kyi bsam blo dang 'gal dgos kyis thugs skyo ba'ang byung/ cung pa chos gzhon bya ba dang/ gra pa rnams thug/ rgya 'dre chen po sbyar/ 'jam dbyangs pa la zhal lta zhur byon pas 'jal kha ma gnang pas/ thugs mug nas/ chos kyis 'byor kyang nor spyod dang mi ldan zhing/ bden tshig yod kyang zhu ba'i skabs med la/ nyes pa med kyang nag can gnyag phu pas/ zhu ba'i tshig 'di bcung zad gsan par rigs/ chen po 'bi ma la la 'bul grogs bcol/ rang