[A:525]མོ་ཞེས་བྱ་བའི་བྱིན་རླབས་ཀྱི་བཀའ་ཞུས་ནས་དེའི་སྒྲུབ་ཐབས་ཀྱི་གཞུང་ལས་ཚོགས་བཞི་བཅུ་རྩ་གཉིས་དང་བཅས་པ་དང༌། ཡེ་ཤེས་ཀྱི་མཁའ་འགྲོ་མ་དང༌། རྒྱ་གར་གྱི་རྣལ་འབྱོར་པ་པ་ནོ་ལས་བརྒྱུད་ཅིང༌། དགེ་བའི་བཤེས་གཉེན་འབྲས་ཁུད་པ་དེ་ཉིད་ལས་འོངས་པ། ལྷ་དབང་ཕྱུག་ཆེན་པོའི་དུག་གི་བསྲུང་བའི་དབང་ཞུས་ནས་དེའི་མན་ངག་རྣམས་དང༌། དམ་པ་རྒྱ་གར་ནས་བརྒྱུད་པ། འཇམ་དཔལ་སྨྲ་བའི་སེང་གེ་སྒྲུབ་པའི་ཐབས་ལས་ཚོགས་དང་བཅས་པ་དང༌།
ཇོ་བོ་ཆེན་པོ་རྗེ་ལས་བྱུང་ཞིང་དགེ་བའི་བཤེས་གཉེན་སྐྱེར་སྒང་བ་ལས་བརྒྱུད་པ། ཐུགས་རྗེ་ཆེན་པོའི་རིག་པ་གཏད་པའི་ཆོ་ག་ཞུས་ནས་དེའི་སྒྲུབ་ཐབས་ཡན་ལག་དང་བཅས་པ་ཐོས་སོ༑༑ ༑༑བླ་མ་ཆོས་ཀྱི་རྗེའི་ཐུགས་ཀྱི་སྲས་སློབ་དཔོན་ཚོགས་ཀྱི་མཆོག་ལས། ངག་གི་འདྲེན་པ་དང༌། འཕྲུལ་འཁོར་གྱི་རིམ་པ་འགའ་ཞིག་ནོས་སོ། ཁ་ཆེའི་པཎྜི་ཏ་ཆེན་པོ་ཤྲཱི་ཏ་ཐཱ་ག་ཏ་བྷ་དྲ་ཞེས་བྱ་བ་ལས་སྔོན་གྱི་སློབ་དཔོན་སརྦ་ཝརྨ་ཞེས་བྱ་བས་མཛད་པའི་སྒྲའི་བསྟན་བཅོས་ཀ་ལཱ་པའི་མཚམས་སྦྱོར་གྱི་རབ་ཏུ་བྱེད་པའི་ལེའུ་དྲུག་བྲམ་ཟེའི་སློབ་དཔོན་: ཡ་ཤོ་བྷཱུ་eds: «ཞ»ཨུ་གྲ་བྷུ། ཏི་ཞེས་བྱ་བས་མཛད་པའི་སློབ་མ་ལ་ཕན་པ་ཞེས་བྱ་བའི་འགྲེལ་པ་དང་བཅས་པ་ལེགས་པར་བསླབས་ནས་ཁམས་སྒྲུབ་པ་ཏི་ངན་ཏ་དང༌།
རྐྱེན་སྒྲུབ་པ་སུ་བནྟའི་རྣམ་པར་བཞག་པ་ཅི་རིགས་པ་དང༌། སྡེབ་སྦྱོར་ལ་ཡི་གེ་ལྕི་བ་དང་ཡང་བ་ལ་སོགས་པ་སྦྱོར་བའི་ཚུལ་སྟོན་པ་པྲསྟཱ་རའི་འགོད་ཚུལ་བསླབས་ཤིང༌། སློབ་དཔོན་ཙནྡྲ་གོ་མིས་རྗེ་བཙུན་མ་སྒྲོལ་མ་ལ་བསྟོད་པའི་སྡེབ་སྦྱོར་དྭི་པཱ་ད་ཞེས་བྱ་བ་དང༌། ཆོས་རྗེ་པཎ་ཆེན་ཤཱཀྱ་ཤྲཱི་དང༌། ས་ར་ཧེ་ཏ་བྷ་དྲ་ལས་བརྒྱུད་པ་དམ་པའི་ཆོས་པདྨ་དཀར་པོའི་མདོ་དང་རྣམ་པར་མི་རྟོག་པ་ལ་འཇུག་པའི་གཟུངས། སློབ་དཔོན་ཀ་མ་ལ་ཤཱི་ལས་