[A:552]
ནོར་བུ་གླིང་པ་བདེ་བའི་རྡོ་རྗེ། ཨུརྻན་པ། སངས་རྒྱས་ཞི་བ། ཁ་ཆེ་ཤྲཱདྡྷཱ་ཀ་ར། ཇོ་བོ་རིན་ཆེན་བཟང་པོ། དཔལ་གྱི་དབང་ཕྱུག ཇོ་བོ་གོང་གནས་པ། ཇོ་བོ་ལྷ་བཙུན། གདོང་སྔོན་པ། ཇོ་བོ་དགེ་བསྙེན། ཁུང་ཕྱག་པ། ཁྱུང་དངོས་གྲུབ། གཡག་སྡེ་པ་དབང་རིན། ཏིང་ངེ་འཛིན་དཔལ་བཟང་པོ། སློབ་དཔོན་རྔོག་རྣམས་ལས་བརྒྱུད་ནས༑ སློབ་དཔོན་སངས་རྒྱས་འབུམ་ལས་དོན་ཡོད་ཞགས་པའི་ཆོ་ག་ཞིབ་མོའི་རྟོག་པ་ཐོས་སོ།། །།ཀྲྀཥྞ་པཎྜི་ཏ་ནག་ཚོ་ལོ་ཙཱ་བ། སྦུག་སྟོན་རྒྱ་གར་རྒྱལ་པོ། སྦུག་སྟོན་ཆུང་བ། སྒང་རིན་ཆེན་རྡོ་རྗེ། གཟེ་བ་བློ་ལྡན་སེང་གེ གཟེ་བ་དོན་གྲུབ་སེང་གེ དེའི་སྲས་བྱང་ཆུབ་མགོན་པོ། སློབ་དཔོན་ཁམས་པ་ལས་བརྒྱུད་ནས། སློབ་དཔོན་སངས་རྒྱས་འབུམ་ལས་ཀུ་རུ་ཀུལླེའི་རྟོག་པ་ལྔ་ཐོས་སོ།
།སངས་རྒྱས་ནས། བླ་མ་བ་རི་བའི་བར་འདྲ། དེ་ནས་བླ་མ་མར་སྟོན། དན་འབག་གི་གཉན་སྟོན་གྲགས་རྒྱལ། དེའི་དབོན་པོ་གཉན་སྟོན་རིན་ཆེན་གྲགས། གནས་བརྟན་དཀོན་སེང༌༑ དེའི་སྲས་སློབ་དཔོན་ལྡོག་ལས་བརྒྱུད་པ་དང༌། ཡང་པཎྜི་ཏ་འབུམ་ཕྲག་གསུམ་པ་དང༌། གན་པ་ནས་བརྒྱུད་དེ་འོངས་པ། སློབ་དཔོན་སངས་རྒྱས་འབུམ་ལས་སྟོང་ཆེན་མོ་རབ་ཏུ་འཇོམས་མ། རྨ་བྱ་ཆེན་མོ། སོ་སོར་འབྲང་བ་ཆེན་མོ། བསིལ་བའི་ཚལ་ཆེན་མོ། གསང་སྔགས་རྗེས་སུ་འཛིན་པ་ཆེན་མོའི་མདོ་རྣམས་ཐོས་སོ། །ཇོ་བོ་རིན་ཆེན་བཟང་པོ་དང༌། ལོ་ཆུང་ལེགས་པའི་ཤེས་རབ་ལས་བྱུང་བ༑ བླ་མ་འགའ་ཞིག་བརྒྱུད་པའི་མཐར། གཙང་ཁང་གི་ཁྲི་སྟོན་མཁན་པོ་གནས་རྙིང་པ། སློབ་དཔོན་ཆོས་ཀྱི་འོད་ཟེར་ལས་བྱུང་བ། སློབ་དཔོན་སངས་རྒྱས་འབུམ་ལས༑
འཇམ་པའི་དཔལ་ནམ་མཁའ་ལྟར་ཡངས་ཤིང་དྲི་མ་མེད་པའི་དཀྱིལ་འཁོར་དུ་དབང་བསྐུར་བ་ཞུས་ནས་དེའི་སྒྲུབ་པའི་ཐབས་ཀྱང་ཐོས་སོ། །རྡོ་རྗེ་འཆང༌། རྡོ་