[B:29a]'jig rten gsum na 'gran gyi zla med pas/ /
thams cad mkhyen zhes brjod pa don dang ldan/ /
khyod thugs rgyal ba'i ring lugs ma lus pa/ /
kun tu 'dzin la dog med mkha' 'dra ba/ /
de nyid mthong tshe mang thos gzhan dag gi/
blo gros khab kyi mig la 'gran par zad/ /
'di na phal cher tha snyad tshig tsam la/ /
mkhas kyi gsung rab zab mo'i don la min/ /
khyod ni chos kun drang nges rtogs dka'i don/ /
rgyal ba'i dgongs pa ji bzhin mngon sum gzigs/ /
mang du gsan pa'i mkhyen rab rgya mtsho gyen du 'phyur tshe chu gter rnam bzhi kun nas skyengs pas sa 'og zhugs shing rta gdong 'khor mo'i cho nge sgrog/
brtse chen thugs rje'i nyi ma stong phrag cig car shar bas rta ljang can de phyogs kyi 'khor lo 'jal ba'i zol gyis gling bzhi'i pha mthar yang yang 'gros/ /
rgya chen phrin las rgyun mi chad 'dis go skabs yangs pa'i snyems pa phrogs pas [A:89]mkha' 'di zla mdzes me long gzung nas sngo bsangs dga' ma'i tshul gyis rol/ /
bsam yas yon tan bye ba'i gter mdzod bshad sgrub shing rta chen po'i srol 'byed thub bstan yongs rdzogs mnga' bdag 'di ni khams gsum chos kyi rgyal po yin/ /
zhes bya'o/ / dpal ldan bla ma dam pa'i rnam par thar pa ngo mtshar rin po che'i gter mdzod las yongs 'dzin dam pa bsten zhing gsung rab kun gyi bdag por gyur pa'i skabs te bdun pa'o/ /
CHAPTER 8: PRACTICE AND PROGRESS ON THE SPIRITUAL PATH; A: pp. 89-92; B: ff. 29a5-30a3
src: The input of the following chapter is done on the basis of the published text (A); readings of the blockprint (B) are not indicated
brgyad pa lam thun mong ba dang thun mong ma yin pa thugs nyams su bzhes tshul ni/
kun rtog rnam spangs ting 'dzin zlos gar gyis/ /
dga' bzhi'i rtser son rnam grol ye shes mdzod/ /
rgyal kun bskyed pa'i yab gcig rdo rje 'dzin/ /
dpal ldan skal bzang skye dgu'i mgon po rgyal/ /
srid zhi mnyam par mdzad kyang gzhan snang rjes su gzung ba'i phyir/ /
thun mong ba dang thun mong ma yin lam gyi bgrod tshul la/ /
ji lta ji bzhin thugs nyams bstar te nges pa'i gsang rnyed pa/ /
tshul bzhin mdzad 'di dam pa rnams kyi rnam thar nges pa'o/ /
de yang bdag cag