[A:300]na mo gu ra we/
don gyi slad du mtshan nas smos te rje btsun thams cad mkhyen pa'i bshes gnyen shAkya rgyal mtshan dpal bzang po'i zhal snga nas kyi rnam par thar pa ngo mtshar dad pa'i rol mtsho zhes bya ba/
shAkya'i bstan pa nor bu'i bsil yab ni//
bshad bsgrub rgyal mtshan rtse la bzhugs gsol te//
dpal ldan phrin las bzang pos nyer mtshon pa//
bsngags 'os ded dpon dam pa phyag gi gnas//
rgyal ba gnyis pa'i yon tan mkha' 'dra ba//
ma lus brjod pa'i nus pa ma mchis kyang//
zhabs zung ring du bsten pa'i dad pa yis//
deng 'dir cung zad brjod la spro ba skyes//
zhes mchod par brjod cing rtsom par dam bca' ba sngon du btang nas/ don gnyis kyis bshad par bya ste/
1
kun la thun mong du grags pa phyi'i rnam thar dang/
2
thun mong ma yin pa gsang ba'i rnam par thar pa'o//
1
kun la thun mong du grags pa phyi'i rnam thar/
dang po la gnyis te/