R841: mkhan chen thams cad mkhyen pa chos grub seng ge'i rnam par thar pa dad pa'i rol mtsho kun khyab snyan pa'i ba dan/ {bod yig glog rdul dpe cha/}

« Title Page

Pagination (Witness A): 11a-211

Last Page »

[A:11a-211] / /gtso bor ston pa'i 'bru gnon rags pa re mdzad byung bas/ phyis su 'dul ba gzhan du cher ma bslab kyang phal cher go/ gzhan yang 'grel ba don gsal gyi gzhung gzung ste/ bsdus sbyor sogs rtsis pas/ dge bshes sgres pa rnams kyi rtsod pa phyogs mthong tsam pher ba yod gsung/

dgung lo bco lnga bzhes pa shing mo bya lo/ mkhan chen rin po che gdan sar bzhugs thog tshogs pa byang la thegs/ de dus tshogs kyi gzhon las thab dpon gyi rees bab pa/ sku na phra bas stobs cher med rung thugs bsams rnam par dag pa'i sgo nas dge 'dun gyi zhabs tog dpyis phyin par mdzad pas sku sdig dag pa'i rtags kyang legs po byung gsung/ de nas tshogs pa spyi'i bca' ba la gzhon las thon pa'i rjes thogs su/ dge 'dun gyi zhabs tog rnam par dag ma dag gi nyes ltung gis gos pa rnams sbyong ba'i ched kho nar dmigs pa'i smyug gnas dkar phyogs re gtong ba'i phyag len yod pa bzhin mdzad/ phyis kyang khe che la nyen chung ba'i chos yin zhes bsngags pa cher mdzad/ de nas dgung lo bco brgyad bzhes pa shing pho byi ba lo/ mchu'i zla ba/ rgyal bas chu 'phrul chen por bstan pa'i dus/ dkar po'i phyogs kyi rgyal ba dang po'i snga dro'i cha grib tshod skyes bu gsum la bab pa'i tshe/ g.yas ru byang rang ldan rin chen sdings