[A:196b]dgongs nas dgung lo so gsum pa shing pho 'brug gi lo la lha khang bla brang gi gzims khang byang mar bde bar gshegs so/ /sku mched 'di gnyis chu pho spre'u lo pa dgung mnyam yin par gtsang byams pa'i gdung rabs dang / bla ma dam pa'i dngos slob shes rab rdo rjes mdzad pa'i gdung rabs las bshad pa ltar 'dir yang bkod pa yin la/ nyi lde ba dang stag tshang lo tsA ba gnyis kyis/ gcen lcags mo lug lo pa dang / gcung chu pho spre'u lo pa yin par bshad nas/ 'das lo yang 'dir bshad pa dang cung zad mi mthun yang gang dag dpyad par bya'o/ /
kun dga' bkra shis/
de ltar sku mched gnyis kyi nang nas gcen po ta dben chos kyi rgyal mtshan pa bsnyen rdzogs ma mdzad gong btsun mo gsum khab tu bzhes pa'i dang po yul chu mdo ma/ nye gnas nam mkha' bag shi'i dbon mo/ ming ma gcig rgyal mo mtsho bya ba la sras theg chen chos kyi rgyal po kun dga' bkra shis rgyal mtshan dpal bzang po zhes bya ba yab dgung lo bco brgyad pa'i dus mgon po 'jam pa'i dbyangs kyi sprul pa bar ma chad pa 'byon pa'i gnas mchog dpal sa skya'i lha khang chen mo'i shar du sa mo glang gi lo bkra shis pa'i dge mtshan du ma dang bcas te 'khrungs shing / 'khrungs ma thag nas byis pa'i spyod pa las 'das te ya rab kyi spyod pa du ma dang ldan pa zhig yin la/ khyad par bdag nyid chen po sa paN gyis spyir nged kyi mi brgyud rnams la 'od gsal cung zad re rgyun mi chad du yong ba yin zhes gsungs pa dang mthun par/ bdag nyid chen po 'di la yang gzhon nu nyid nas 'od gsal rgyun mi chad pa mnga' ba ste/ smra mkhyen