[A:143b]gdung rabs las/ drug cu re gcig pa chu pho khyi lo/ 'phags pa kun blos chos 'khor chen po mdzad pa'i rjes gro bzhin zla ba'i mjug la zhi bar gshegs so zhes bshad mod kyang / 'di ni cung zad brtag par bya dgos te/ bdag nyid chen po 'di'i sras ti shrI kun blor grags pa de yab dgung lo zhe brgyad pa'i dus 'khrungs nas/ dgung lo brgyad pa la brtag gnyis gsungs par nyi lde bas bshad/ gdung rabs gzhan rnams las dgung lo dgu pa la gsungs par bshad/ dgung lo bcu gcig pa la gong du byon par gtsang byams pa dang / nyi lde ba gnyis char mthun cing / bla ma dam pa'i dngos slob shes rab rdo rjes bcu drug pa la hor yul du phebs par yang bshad la/ stag tshang gdung rabs las 'khrungs lo 'das lo ma gtogs lo rta gsal kha ma gsungs/ hor yul nas bod 'dir bsnyen rdzogs bsgrubs par dgung lo nyer lnga pa'i dus phebs par shes rab rdo rjes bshad/ nyer bzhi pa la phebs par mus srad pas kyang bshad/ nyi lde ba rang gi gdung rabs las kyang de dang mthun par 'byung zhing / nyer bzhi pa la bsnyen rdzogs mdzad pa'i rjes su chos 'khor rgya chen po zhig mdzad/ de nas lo grangs gsal kha can ma byung yang / de'i rjes su yab bdag nyid chen po sku gshegs par nyi lde gdung rabs las bshad pas/ kun blos chos 'khor mdzadagrub nas kyang / yab bdag nyid chen po lo gcig tsam tha na'ang bzhugs par khas len dgos la/ gdung rabs gzhan ltar na dgung lo nyer drug pa'i dus yab gshegs pas chos 'khor grub nas lo gnyis