[A:7a]mdor na lo chen gyi bshad srol la rag ma las pa'i byams chos lnga dang / rang rgyud shar pa'i bstan bcos gsum dang / tshad ma rnam par nges pa rnams kyi bshad srol gzhan nas brgyud pa med cing / lo chen ma byon pa'i gong na/ 'dul ba dang /chos mngon pa'i bshad nyan dar po yod kyang / rigs pa'i lam nas drangs pa'i dgag sgrub kyi rnam par bzhag pa/ chos kyi grags pa 'i gzhung dang 'thun par 'chad shes pa ma byung ngo//
lo chen gyi rjes su 'jug pa'i bshad srol ni gsum ste/ gro lung pa chen po nas brgyud pa dang / 'dre Ar nas brgyud pa dang / khyung rin chen grags nas brgyud pa rnams so//
ding sang gi bar du yod pa ni/ 'dre Ar dang / khyung nas brgyud pa de yin la/ gro lung pa nas brgyud pa'i srol lam ma nyams par yod pa mi 'dra zhing / rin po che blo bzang pa phyogs de'i rgyud 'dzin du khas len kyang / gang nas brgyud ma shes so//
de nas zhar las byung ba'i da brjod par bya ste/ slob dpon phya pa 'das nas lo bcu bzhi song ba/ chu pho stag gi lo la/ sa skya paNDi ta 'khrungs/ de mya ngan las 'das nas lo bzhi bcu pa lcags pho stag la/ bu ston rin po che 'khrungs/
des lo drug cu re gcig bzhes pa lcags pho stag la/ rin po che g.yag pa 'khrungs/ des lo bcwa brgyad bzhes pa me mo lug gi lo la/ rje thabs can mkhyen pa rong ston chos rje 'khrungs/ des lo bcwa lnga bzhes pa lcags mo bya la/ rje rdo rje 'chang kun dga' bzang po 'khrungs/ don drug pa me pho byi ba'i lo la gshegs/ de nas ding sang sa mo phag gi bar la nyi shu rtsa bzhi song ngo//
yang rngog lo nas ding sang gi bar du lo grangs brtsi tshul go bde ba 'di yang yod de/ lo chen lnga cu nga gcig pas mo glang