[A:94b]'bras bu ci//
gang la sems zhig yod na ni//
dam pa'i bzhed gzhung khang bzang 'dir//
rnam grol 'byor ba thob pa'i slad//
dad pa'i gom pas 'jug par rigs//
gang yang 'ga' zhig mkhas pa'i srol//
gser gyi cod paN yongs spangs nas//
rgan po'i khyams tshig 'gal 'um?sus? gyi/
phreng ba rgyan du 'dzin par byed//
kye ma lugs las 'das pa yi//
skye bo su yi phan byar 'gyur//
'on kyang rang gi lhag bsam dang//
gcig tu bstan la gces pa'i blos//
tshul 'di 'gro la spel ba'i slad//
src: A line might be missing here
bsod nams khang pa bsngags 'os gang//
brgya byin grong gi phun tshogs bzhin//
kun gyi gong na dkar ba'i rtser//
rab gsal yi ge'i par du bsgrubs//
'di na yang dag lam srol du//
'jug 'dod dpyod ldan 'ga' yod na//
zla tshes mthong ba'i bram ze bzhin//
kun dga'i thal mo sbyor la grang//
de lta mod kyi nag po'i phyogs//
bstan ba sdang ba phal che yi//
snying la dug gi mda' chen bzhin//
zug rngur 'gyur la ci byar yod//
skye dgu'i mun sel nyin mo'i mgon//
mkha' la 'od kyis kun dpa' yang //
bskal ngan mtshan mo rgyu ba'i bya//
mya ngan 'gyur ba dngos po'i bshis//
Wish verses, f. 94b4-7
'on kyang kun la phan don du//
bsgrubs pa'i lhag bsam bden pa yis//
ngag gi dbang po'i gzhung lugs 'dir//
'gro kun nges par 'jug gyur cig/
bdag kyang tshe rabs thams cad du//
bdud kyi las la sa phyir phyogs te//
theg pa mchog gi lam 'dzin cing /
bsod nams bzang po mnyes byed shog/
'gro kun mi khom spangs nas kyang//
dge bcu'i las lam spyod pa yis//
rgyal ba ma lus dgyes pa dag/
ngan song grong khyer stobs par shog/
gzhan yang 'di na smin byed dang bral rmongs pa'i sgom lhur byed pas//
ba lang bsgrub byed zab mo'i lam du bdud kyis nges par bsdus pa dag/
dam pa'i mgon dang phrad nas mchog gi smin byed khang bzang nyams dga'i nang /
rim gnyis rnam bzhag ri mo'i zlos gar ci yang mthong nas 'gro gyur cig/
de skad brjod pa'i byed po yang/
sa skya 'jam dbyangs zhabs pad kyi//
cod pan dad pa la bkod pa//
rig 'dzin grwa lnga rgyal po'o// //thu btsun 'jigs med dpa' bo'i sde/ /kun dga' rnam rgyal dpal bzang por/ /yongs brjod mchog gi blo can yin/ /src: The block of witness B has this last line (f. 94b7) with the authorship statement of the above verses modified (apparently for a later print of the same blocks)