[A:367]phang phung gi bstar ba dang lda ldi bres/ stag gzig gi shun pa sogs bkra zhing brjid pa'i spyan gzigs spel legs su bkod pa rnams mthong na 'byor pas dregs pa rnams kyi blor shom dka' ba bshams tshul thams cad skabs su 'thad cing / las dang rjes su mthun par byas te gtor sgrub bskang gso dang bcas pa yun ring du gnang ba'i mus nas mgon khang chen mor nub re bzhin gtor sgrub bskang gso'i dgongs thun ma chag pa gtong ba bzhi sde re mos su spos kyin mdzad pa dang / zla re bzhin mkha' 'gro 'du ba'i dus gnyan thams cad la bskang gso rgyas pa re/ khyad par nyer dgu la shin tu rgyas pa gnang ba'i rgyun btsugs te/ dus gtor bzab rgyas su sngar bas dgongs pa bskyed/ 'di dag la snga phyir ngo mtshar gyi ltas che phra mang po dang / bar skabs su thog steng ma'i rtser mtshan dus bam bskyur gyi sgra 'jigs shing skyi g.ya' ba mang du byung 'dug /lo de'i zla ba bzhi pa'i zhabs su rje mkhan chen sku mtshams shig tshugs pa'i khog tu bdag gis gser zho gang gi maNDal dang bcas gsol ba btab ngor dpal gur gyi mgon po'i chos skor sna kha du ma/ 'phral dgos kyi zhal khrid phran bu dang bcas pa gnang / de skabs snyug lar/ yar gtsang gi bde gzar tshan che ba langs pa'i/ yol phu ri gong du brlag rgyag byung 'dug zer ba'i skad cha sleb pa dang / klu khang rtse'i phyag drug pa'i lo gtor la sus byas mi things pa'i 'gel zhig yod pa byung bas rkyen byas dpon slob rnams yas phyogs kyi nyer gzigs la glo bur du