[A:324]sems ma yengs pa lhod de bzhugs shig gsung cung zad tsam phyag bdag gi mgo bor bzhag ste ting nge 'dzin la bzhugs pa tsam gyis 'chi bdag las thar te/ thams cad ngo mtshar bar gyur cing ding sang gi bar gnas pa 'di yin mod/ sku ngos kyis byin rlabs mdzad na 'chi bdag las thar ba las 'os ci mtshan tsam gyis kyang nad gdon thams cad sel bar mdzad de/ bdag rta nag tu 'dug pa'i tshe/ dge 'dun gyi sde 'khrug khams chen po langs nas rab tu byung ba kha re thar ro la song ba mthong bas snying la mi bzod pa'i zug ngu ci yang skyes pas rkyen byas srog rlung stod 'tshangs kyi nad drag po zhig yod pa de langs pa'i steng du/ sde 'khrug slong bar byed pa'i 'byung po ma rungs pa des kyang glags ltas pa la brten nas/ zug zer gyis dran med du brgyal te dbugs kyi 'gyu ba chad nas ring zhig lon pa na/ thabs gzhan zad de zla bo de dag gis bdag gi bla ma dam pa 'di'i mtshan mnal lam du skad sangs mthon pos bsgrag ma thag /dran pa rnyed mod zug zer bsran par ma nus la/ dbugs kyang 'byin par mi nus na/ skad 'don pa lta ci smos/ sems kyis gsol ba btab pa'i tshe/ zhal gyi dkyil 'khor mig sngar lam pa zhig byung ma thag nad de byung ba'i rjes btsal yang med par skad cig de la phan pa lta bu 'dis mtshon/ dad gus kyis gsol ba 'debs nus na nam yang bslu ba med par rjes su bzung ba'i gtam du ma zhig yod mod/ re zhig de tsam mo/ /gang la yang skyabs na nam yang mi bslu ba/ /de 'dra'i skyabs ni bla ma mchog yin zhes/ /lha mi'i skyabs kyis gsungs pa 'di re bden/ /ltos shig skyabs kyi chos 'dis bslus pa su/ /su yis bsten kyang don med