[A:322]rje btsun sa skya pa'i bstan pa thun mong ma yin pa'i sbyin bdag dang bcas pa la sdang bar sems pa'am gdon ma rungs pa zhig gis gnod 'tshe drag po byas pa rje nyid kyis dgongs te thugs dam gyi 'phro la spyan drangs ma dgos par phebs nas sku chos kyi g.yab thos brdungs pa na/ dpon slob gnyis kar gzigs snang mthun par/ gdon chen po btsun pa'i gzugs gdong dmar phye ba snam sbyar gyon pa'i rnam pa can zhig tu byas bros song ba na/ mi nag po lus bong shin tu che ba zhig gis kha nas me hur gyis 'phros song ma thag /gdon de thal ba tsam yang ma lus par tshig par gzigs shing / de nas zhag 'ga' na tshe dbang gnang ba'i tshe chang gnang ba'i skabs su/ bdag gi yab kyi mngon sum bzhin du/ ye shes kyi mkha' 'gro bu mo gzhon nu'i cha byad dar gos khra 'jol le ba gyon pa zhig gis tshe chang 'dren par gzigs la/ de nas ring po ma lon par bsnyung gzhi las grol te/ lo bcu drug gi bar du zhabs brtan par bzhugs pa dang / bdag gi ma rgan mo bsnyung gzhi tshabs che ba zhig gis btab ste/ sman dang rim gro'i bye brag thams cad don med pa 'ba' zhig tu song / sman pa mkhas pa dag gis da ni 'chos pa'i thabs thams cad dang bral ba ste/ 'di tsam nas nad kyi rnam pa 'di lta bu zhig 'khru bar 'gyur la/ de nas zan za yun tsam zhig las mi thub pas/ gzhan mdzad rgyu yod na skabs su bab kyi/ bdag cag sman pa rnams kyi nus pa ni re zhig de tsam du zad do/ /zhes sems khong du chud la/ gnyen bshes thams cad ngu ba tsam zhig ra mdar sgron par byed/ sman pa des ji skad bstan pa