[A:321]nag po chen po mche ba can gyi bskul mdzad pa'i tshe skad snyan po sgrog bzhin pa'i bya rog chen po lnga nam mkha' la lding zhing 'khor zil shin tu che bas bdag cag la sogs pa'i phyags phyi ba thams cad kyang shes pa sa 'ur gnam 'ur la song / drung chen ser po bya bas rje nyid dpa' bo bram ze'i gzugs can dngos su mthong zer la/ gtor ma de shar phyogs kyi thog mthil du phul ba sang snga dro bltas pas skya stengs su rtse mo shar la bstan nas sleb 'dug cing / de nas 'phral du chings 'grig nas zla ba dang po'i yar tshes la sgar gyes byung la/ de'i gtang rag yin gsungs nas dpal mgon gyi phyag mtshan rnams shin tu legs pa zhig mdzad/ bdag la gsung ngag rin po che gnang ba'i grol ston gyi tshogs lhag nye gnas ye shes pas thog kha nas phyir 'phangs pa'i tshe/ rdo bcal lag mthil ltar snyoms pa'i khrod nas glo bur du mi chen po thog so tsam zhig langs byung nas lhag ma de dag khyer song ba mthong nas skrag bzhin du bros byung ba dang / rdo rje 'phreng ba'i grol ston gyi tshogs lhag skyel ba'i gdong la mi gzugs mar me'i grib ma lta bu rib be ba mang po 'gro yi 'dug pa mi mang pos mthong ba sogs byung la/ des mtshon pa du ma zhig yod mod thams cad bri bar ga la nus/ de bzhin du rjes su 'dzin pa'i byin rlabs kyang dpag par mi nus pa yin te/ bdag gi yab dgung lo nga gnyis pa'i tshe shin tu bsnyun pa yun ring po'i bar du byung ba la sku rim dang sman dpyad sogs phan par bsams pa de dang de dag 'bad pas bsgrubs mod cung zad phan par ma gyur pa na bdag gi bla ma thugs rje chen po 'di spyan drangs nas bka' dbang gi bye brag du ma zhig gsan pa'i tshe/ skabs shig