[A:304]tshar gnyis re/ chos skyong rnams kyi bskang gso tshar gnyis re/ so so'i bzlas pa/ bstod bskul thun gtor 'bul ba'i bar cho ga ji lta ba rdzogs pa mdzad/ de nas dbang dang rjes gnang gsan no cog gi lha rnams kyi sngags bdun bdun sogs nyin bar ma grub pa'i thugs dam rnams dang / bir srung thun mong ba/ bla ma rin 'byung / tshar gsum khug pa'i nyams bzhes rnams mdzad de/ nyal ba'i rnal 'byor gyi cung zad mnal ba'i tshul mdzad/ de ma thag bzhengs nas sngar bshad pa bzhin sgrub par mdzad de/ mdor na dus dang rnam pa thams cad du bde stong gnyis su med pa'i ye shes kyi rol pa las byung ba'i rim gnyis cha lag dang bcas pa las nam yang g.yo ba med par bzhugs pa yin la/ zla ba byung ngo cog gi yar gyi tshes brgyad dang / mar ngo'i brgyad nas bcu'i bar nub re bzhin gong du smos pa'i yi dam chos skyong rnams la gtor bsngos bskang gso dang bcas tshar gsum re/ slar yang gur zhal gnyis la bskang gso tshar bdun bdun rnams rnga brdungs dbyangs dang bcas pa shin tu rgyas pa skyed lhas pa'i phyag len ji lta bar mdzad cing / gnam gang byung ngo cog la/ gshin rje'i dgra nag po zhang lugs kyi bdag bskyed maNDal sgrub mchod sngon du 'gro ba'i dmag zor re ma tI'i bskang ba mdos dang bcas pa rgyas pa re mdzad/ de lta bu'i nyams bzhes de dag kyang rnam rtog rgya yan gyi ngag 'don bshad sbyangs tsam ma yin par sbyang gzhi sbyong byed legs par 'phrod pa'i bskyed rim so so gsal snang ma thob kyi bar du bsgoms pa dang / bzlas brjod rnams kyang shab shib mar mur gang 'gro byed pa ma yin pa'i sngags kyi ring thung gcod mtshams tshun ye ma 'khrul zhing