[A:303]tsarYa/ spyan ras gzigs seng ge sgra/ rnam rgyal/ rnam 'joms/ sme brtsegs dud kha/ lo ma gyon ma/ sna tshogs yum/ so sor 'brang ma/ bcu gcig zhal/ 'byung po 'dul byed rnams kyi sgom bzlas mtshan pa re/ de nas sku bzhengs te rtsa ba'i bla ma rnams la phyag 'tshal rgyas bsdus skabs dang sbyar ba'i yan lag bdun pa/ maNDal ci mang mdzad nas sems bskyed rgyas pa re mdzad de/ zas kyi rnal 'byor mdo rgyud las gsungs pa ltar mdzad nas/ slar thugs dam bsil gtor gyi skabs su thugs rje chen po'i sgom bzlas sngon du 'gro ba'i/ dzam ser nag gi chu sbyin/ spyan ras gzigs dang / mi 'khrugs pa/ ye shes skar mda'/ sgrol ma rnams kyi sgo nas yi dwags la chu sbyin/ gtor ma brgya rtsa/ lan chags gtor ma ci mang / dbyug gu drug cu rtsa bzhi/ brul gtor/ 'od zer can gyi gtor ma/ slar yang yi dwags kyi chu sbyin rnams kyi mthar phung po gsum pa'i mdo/ shes rab snying po tshar gsum bdud bzlog dang bcas pa/ smon lam gyi rim pa du ma dang bcas pa mdzad de/ chos gsung ba sogs ji ltar rigs pa'i rnam dkar gyi bya bas dus 'da' zhing slar dgongs thun la gong bzhin lam zab lam dus rgyas pa rtsa sngags lnga bcu'i bzlas pa/ mgon po'i srung 'khor nang khrid kyi nyams bzhes dang bcas pa bde mchog nag po pa'i rim gnyis bzlas pa dang bcas pa dang / kye rdor/ dus 'khor/ bde mchog /'jigs byed rnams la gtor ma 'bul ba sngon du 'gro ba'i gur zhal/ dur khrod bdag po/ dkar bdud lcam dral/ dmag zor lha mo/ mkha' 'gro spyi dang gzhi bdag gtor ma rnams