[A:302]tsam song zhing / 'khor lo bde mchog /dus kyi 'khor lo/ /dpal rdo rje 'jigs byed/ 'phags pa don yod zhags pa/ 'jam dbyangs a ra pa tsa na/ lha mo nor rgyun ma/ bha ya na/ chos skyong che chung rnams la gzhi'i bsnyen pa yongs su rdzogs pa re re mdzad cing dus rgyun du tho rengs ldang ba'i rnal 'byor gyis bzhengs nas/ bir srung thun mong ma yin pa/ tshar gsum khug pa'i nyams bzhes/ kun mkhyen rong ston nas brgyud pa'i tshe sgrub/ sgra mi snyan pa'i tshe sgrub/ thugs rje chen po'i mig 'byed/ don zhags kyi thugs dam gzungs ring tshar bdun dang bcas pa/ mi 'khrugs pa'i dkyil 'khor gyi bsgom bzlas/ nor rgyun ma lha bcu dgu'i bsgom bzlas gtor ma 'bul ba dang bcas pa rnams mdzad/ de nas lus sbyong nyi shu pa dang / rnal 'byor gyi 'phrin las so gnyis la sogs pa'i rlung 'khrul 'khor rgyas par mdzad de/ dkar gtor cha bzhir grags pa dang / dpal rdo rje 'jigs byed sa lugs/ bde mchog lo dril/ dus kyi 'khor lo/ nA ro mkha' spyod rnams kyi sgom bzlas mdzad/ de nas lam zab phyi nang sbrags pa sngon du 'gro ba'i dpal kye rdo rje'i phyi nang gi bskyed rim gsal btab ste dbang bzhi rgyas par bzhes pa'i mthar rdzogs rim gyi ting nge 'dzin zab mo la yun ring du mnyam par bzhag pa'i rjes su rtsa sngags lnga bcu rtsa gcig la sogs pa'i bzlas par mdzad/ de nas dpal gur gyi mgon po'i srung ba'i 'khor lo/ rdo rje brag rdzong ma yi ge bdun pa lnga brgya/ shA sa na brgya rtsa tsam gyi bzlas pa mdzad nas yi dam dang chos skyong rnams la gtor bsngos tshar re/ gzhan yang zhal bzhi pa'i srung 'khor/ 'jam dbyangs a ra pa tsa na/ phyag na rdo rje u