[A:301]tu dbang bzhi so so'i mnyam gzhag dang rjes spyod kyi dam tshig dang sdom pa rnams la nyes ltung gi cha phra mos kyang ma gos shing / khyad par sku mya ngan las 'da' kha'i bar tshun chad du bla ma dam pa rnams bsten nas dbang bskur ba yang dang yang du gsan pa dang / rgyun du yang rdo rje sems dpa' dam tshig rdo rje'i sgom bzlas thun bzhi'i rnal 'byor du mdzad cing / lam gyi thun bzhi la dbang bzhi len pa dang / rdul tshon dang ras bris la sogs par bdag nyid 'jug cing dbang yang nas yang du len par mdzad pas rig pa 'dzin pa'i dam tshig dang sdom pa rnam par dag pa'i phyir/ rdo rje slob dpon chen po bla na med pa yin pas/ dam pa 'di lta bu'i drung du dbang bskur ba thob pa rnams kyang mchog tu skal ba bzang bar shes par bya'o/ /dngos kun lha dang ye shes rnam rol gyis/ /dngos 'dzin 'ching ba ring du byas gyur pas/ /dngos grub rtsa ba dam tshig sdom pa yi/ /dngos kun nyes pas gos pa'i skabs yod dam/ /de ltar gzhi dam tshig dang sdom pa rnam par dag pa la brten nas dus dang gnas skabs thams cad du rim pa gnyis kyi rnal 'byor las nam yang ma g.yos par thugs dam zab mo kho nas dus 'da' bar mdzad pas/ dpal kye'i rdo rje'i gzhi'i bsnyen pa kha skong gi sbyin sreg dang bcas pa tshar gnyis mdzad cing / rtsa ba'i sngags 'bum phrag nyi shu rtsa lnga lhag tsam song la/ yi ge brgya pa 'bum phrag brgyad/ uShNI Sha 'bum phrag bzhi tsam dang / a ra pa tsa na 'bum phrag bdun cu lhag tsam dang / nor rgyun ma'i gtso bo'i sngags 'bum phrag nyi shu rtsa bdun dang / dpal gur gyi mgon po'i yi ge bdun pa 'bum phrag brgya nges/ shA sa na 'bum phrag nyi shu