[A:300]pa'i rin chen byang chub sems/ /bdag gzhan brje bar nus pa'i lhag bsam can/ /snyigs ma'i dus 'dir dam pa khyed las gzhan/ /gzu bor gnas pa'i blo yis rnyed par dka'i/ /tsandan te 'ur mtshungs pa kha dpags na/ /kun rdzob byang sems 'byongs pa lta ci smos/ /srid zhi mnyam nyid don dam byang chub sems/ /blo 'das chos kyi dbyings de rtogs par nges/ /sras bcas rgyal ba kun gyis dga' bzhin du/ /lan brgyar legs par bsngags pa'i byang chub sems/ /snying rje dang bcas gnyis med blo gros kyis/ /rgyud phyug rgyal sras thu bo 'di ngo mtshar/ /de ltar gzhan la rjes su brtse ba'i rgyal ba'i myu gu rnams ni sems can rnams kyi sdug bsngal rgyu dang bcas pa spong ba'i thabs la 'bad pa chos nyid yin la/ de'ang dus ring po ma yin par myur ba nyid du rdzogs pa'i byang chub la 'god par bzhed nas/ rdo rje theg pa'i nye lam du 'jug par 'gyur ba las/ bdag cag gi mchog gi dpal ldan bla ma dam pa 'dis sngar bshad pa ltar mtshan nyid dang ldan pa'i rdo rje slob dpon de dag las rgyud sde chen po bzhi dang rjes su 'brel ba'i dkyil 'khor chen po rnams su dbang bskur ba phyin ci ma log pa du ma zhig gsan pa'i dam tshig dang sdom pa mtha' dag nod par mdzad de/ dbang dus su khas blangs pa'i sdom pa/ bya ba'i rgyud kyi ltung ba bcu gsum dang / spyod pa'i rgyud kyi ltung ba bcu bzhi dang / rnal 'byor rgyud kyi ltung ba bcu bzhi dang / rnal 'byor bla med kyi rtsa ba dang yan lag gi ltung ba nyi shu rtsa gnyis/ gzhan yang brten pa dang / bza' ba dang / mi 'bral ba'i dam tshig rnams dang / bye brag