[A:299]ngan tshabs che ba las mi 'dug snyam kha sbyor dbye ba 'dra bsgoms pa yin te/ khong khrag skyugs nas shi zer/ sdug ge snying rje da kho'i sdig pa sbyangs dgos gsung rdo rje mi 'khrugs pa'i cho ga la sogs pa sdig sbyong gi thugs dam mang du mdzad ces thos te/ 'di ni mi nag mdung thung can ded dpon snying rje chen pos bsgral ba dang tshul mtshungs par snang la/ yang ma rungs pa de dag gi gtso bo shug pa dka' bcu pa zhes bya ba yon tan gyi rnam pa ltar snang ba thams cad kyang skyon kho na'i snon khar song ba'i dge sbyong gi gzugs can zhig ngan phyogs 'dzin pa'i grogs rnams dang bral bas zhabs 'dren sgrub pa'i nus pa med bzhin du nam zhig glags rnyed par 'gyur snyam du chu skyar gyi brtul zhugs lhur len pa zhig gnas pa de la skabs shig tu 'chi ltas kyi mtshan ma ya nga ba mang du byung bas skrag nas drung du 'ongs te/ de las ji ltar thar bar 'gyur zhus pa na/ de la 'khon du 'dzin pa mi mnga' zhing phan pa sgrub pa la dgyes pas rdo rje'i bzlas pa gnang ste/ sgrub tu bcug pas zhag bdun nas 'chi bdag las thar pa'i mtshan ma rnyed nas lo lnga'i bar tshe bsrings la/ g.yo rgyu can de yang dad par gyur te 'di phyi gnyis ka bde ba la gnas par mdzad pa 'dis mtshon nas gnod lan du phan pa mdzad pa mang du yod mod kyi yi ges 'jigs nas 'dri bar ma nus so/ /phan btags pa la phal cher phan 'dogs kyis/ /gnod lan phan gyis 'jal ba khyed gcig pu/ /gang la gnod pa byas kyang bde 'brel ba/ /bde ba'i 'byung gnas de la skyabs mchi zhes/ /dam pas bsngags