[A:297]gshin rje'i khar 'gro ba las 'os med kyang rang la gnod par byed pa'i dgra la zhe sdang gi kun nas blangs nas mngon spyod kyi las rtsom pa ni ngan song gi rgyu yin par dgongs nas chos skyong rnams la drag po'i 'phrin las zhu ba'am/ rang phyogs kyi chen po rnams la de dag tshar gcod par bskul ba sogs ci yang ma mdzad mod/ srung ma'i dbang po rnams ni bstan pa la sdang ba rnams nyams par byed pa chos nyid yin pas ma bskul bar yang 'phrin las mdzad pa'i rgyu dang / rje btsun 'di nyid sangs rgyas dngos su gzigs pa'i dad pa dang ldan pa rtsis gnas gsar pa nang so nam mkha' rdo rje'i drung gis nye bar len pa'i rkyen mdzad nas sde srid seng ge rtse nas springs yig mngags mi dang bcas pas bdud kyi brlams pa'i ma rungs pa de dag 'ga' zhig ni srog gi mthar byas/ 'ga' zhig yul gzhan du bskrad/ sku 'bum pa kho rang bdud dang mu stegs 'chal ba'i klad pa rnam par 'gems pa'i dung dang gaNDi'i sgra drag pos rnam par bsdigs bzhin du rgyang ring du bskrad pa na/ bdag gi bla ma thugs rje chen pos rgyud brlan pa 'di ni rang nyid thugs zos bde bar 'gyur pa la dgyes pa ci yang med par ma rungs pa de dag 'phral dang yun gyi bde ba las nyams pa'i thugs khral gyis bu gcig po shi ba'i ma bzhin du spyan chab kyi rgyun bzlog tu med pa dang / snying rje rje skad du smre bar mdzad do/ /zhes thos so/ /bdud sde bye ba phrag brgya khyod kyi 'khor/ /nam yang bskyod par nus pa ma lags mod/ /bdud bzhi las rgyal thub pa'i dbang po'i 'khor/ /rtsod pas bye bar bstan dang mtshungs ma snyam/ /bla ma'i dgrar gyur bstan la rab sdang ba/ /