[A:295] gsol ba'i gang zhim tshun de kho na la gnang / khos gang zhus ngo mi ldog par gnang ba zhig yod pa la/ bdag gis 'di lugs gnyis ka nas sngar zhabs tog tu gyur pa med cing / da ni nam yang yong ba'i tshan du mi gda'/ lhag par zhabs drung nyid la 'khang ra dang skur zhus kho na byed pa 'di 'dra la 'di tsam gyi thugs 'dogs rang gnang mi dgos sam zhus pas/ chos rje pa ci gsung nas spyan chab lhug par byon gyi 'dug go /rang gi bu la khra dang spyang k-i'ang byams/ go chod skye bo khrel med rnams kyang gso/ /dmu rgod rang nyes gzhan gyis spangs pa rnams/ /rgyal sras brtse ldan khyod kyis bdag gir mdzad/ /thog med 'khor bar goms pa'i ngan spyod dang / /ma mthun rgyal sras spyod la sems khrel ba'i/ /sdig ldan kho bo dmyal bar lhung nges pa/ /dgongs nas thugs khral spyan chab shor ram snyam/ /skyid sbug tu bzhugs pa'i dus thog khar bsil gtor mdzad pa na gong mo rnams drung du gtor zan za bar byed cing / de dag gi mgrin pa zan gyis 'gags pa na sku mdun du myur bar 'ongs ste sku pang la sogs par 'dug nas kha gdangs te sdod pa phyag sor gyis zan brus/ mchu la sogs pa 'phyid par mdzad pa dang des mtshon pa'i ngo mtshar ba du ma yod la/ gzhan yang bdag bas gzhan gces pa'i byang chub kyi sems mnga' ba'i dbang gis gnod lan du phan pa kho na lhur len par mdzad de/ snga dus jo nang na bzhugs pa'i tshe sngon ma byung ba'i chos kyi 'khor lo rgya cher bskor bas phyogs de'i bde skyid rnam par 'phel ba dang / skye bo mang po zhig bdud kyi spyod yul las 'da' bar shes