[A:82a][...]Carving Colophon, f. 82a4-82a8
// oM dpal ldan dang po'i sangs rgyas nyid ces 'gro ba'i yid kyi bdud rtsi ni//
skal bzang skye bo'i 'dod pa 'jo la bsod nams zong gis rnyed pa bzhin//
mthong ba'i kun grol ye shes sku gang mngon byed pa//
gang der mi rnams dogs med 'jug la rgyud gsum gsang ba rnam phye ba'i//
chos kyi sgo mo yangs pa 'di ni gzhon nu'i mtshan des skal bzang mdzad//
thar pas yid drangs mchog gi skye bo mtshungs med mgon des rjes gzung ba'i//
dad dang shes rab gtong dang tshul khrims gus pa//
de dag chos 'di ci yang 'phel las mchog tu dge bar yongs dgongs te//
rnam dkar 'thun pa'i rkyen bzang legs sbyar nas//
chu mo lug gi lo la chos grwa che//
rtses thang bsam gling kun bzang rtse zhes par//
par du grub pa'i yi ge'i 'du byed ni//
blo ldan bsod nams bzang po zhes bya dang//
par mkhan grags seng bkra shis rgyal mtshan dang//
rgya mtsho zhes bya tshul 'dir mkhas rnams yin//
yongs su grub pa'i do dam zhal ta pa//
bsod nams rgya mtshos dad pa'i yid kyis bsgrubs//
'di las rnam par dkar ba gang thob des//
phyogs 'dir yongs su 'bad par mdzad rnams kyis//
thog grangs nam mkha' mnyam pa'i 'gro ba 'dis/ /
dpal ldan dus kyi 'khor lo nyid grub shog//
| /chos kyi rgyal po chos bzhin sa skyong ba'i//
mnga' ris 'byas par che ba'i 'dzin ma 'dir//
dpal ldan bla ma'i zhabs pad yongs brtan zhing//
rtag tu bshad dang sgrub pa'i dga' ston gyis//
thub bstan yongs su 'phel ba nyid gyur cig//