[B:4b]bsnyun pa'i tshul bstan sku gsum gyi/ /
go 'phang mngon du mdzad [A:9]pa'i tshul/
ngo mtshar ltas mang dang bcas pa/ /
sprul ba'i mdzad pa bsam mi khyab/ /
ces mdor bstan nas/ / cung zad rgyas par bshad pa la/
CHAPTER 1: Previous Lives; A: pp. 9-13; B: ff. 4b2-6a3
dang po sngon byung gtam gyi lo rgyus ni/
kun khyab bde bas kun dga' dga' ba che/ /
rnam mang bdud las rnam rgyal rgyal ba dngos/ /
dpal ldan srid zhi'i dpal gyur brtul zhugs bzang / /
kun tu bzang po gdod ma'i mgon po rgyal/ /
sangs rgyas thams cad tshogs dang ni/ /
bgrod cig lam dang spang pa dang / /
ye shes ngo bo gcig nyid las/ /
phrin las mdzad pa so sor ston/ /
not located
zhes gsungs pa ltar/ spyir sangs rgyas thams cad dang por byang chub mchog tu thugs bskyed/ bar du tshogs gnyis kyi 'khor lo rdzogs par mdzad cing / nang don du nye ba'i lam mthar thug pa rdo rje theg pa la brten nas/ gnas 'og min du sgrib gnyis zad par spangs shing / shes bya ma lus pa mngon sum du rtogs pa ye shes lnga'i bdag nyid chos sku'i ngo bor ro gcig tu gsangs rgyas nas/ slar yang gdul bya 'dul ba'i slad du/ longs sprul la sogs pa gzugs sku'i snang bas phrin las mdzad pa so sor ston pa ltar/ mgon po 'di [A:10]nyid kyang bskal pa dpag tu med pa'i sngon rol nas mchog gi go 'phang mngon du mdzad cing / slar yang sprul pa'i sku bgrang ba las 'das pa sku gsung thugs gsang ba bsam gyis mi khyab pa'i sgo nas/ skal ba dang 'tshams pa'i gdul bya'i zhing mtha' yas par 'bad med lhun grub tu 'gro don mdzad par nges te/
Birth as Guru Rin po che
de yang sngon rgyal po bzang po mchog ces