[B:12a]gyis phyug pa'i skabs te lnga pa'o/ / / /
CHAPTER 6: Religious Conduct and Spiritual Practice; A: pp. 32-39; B: ff. 12a1-14a3; C: pp. 24-29
drug pa rnam par dag pa'i spyod pa rlabs po che gzhan las khyad par du 'phags pa thugs nyams su bzhes pa ni/
kun nas phul byung rim gnyis rnal 'byor gyis/ /
dka' byed bdud kyi g.yul las rnam rgyal te/ /
dpal ldan dam pa'i go 'phang mchog brnyes pa/ /
bzang po'i lam gyi srol 'byed gang de rgyal/ /
gdod nas go 'phang mchog brnyes kyang / /
skal ldan 'gro ba'i las snang du/ /
bslab pa gsum dang 'brel ba yi/ /
lam gyi bgrod tshul ji bzhin mdzad/ /
de yang bdag [A:33]cag gi bla ma skyes bu khyu mchog dam pa de sngon nas zhi zhing dul la bgrod par bya ba'i rtse mor son mod/ gzhan snang sgyu 'phrul gyi bkod pa tsam du dam pa'i spyod tshul dang ldan zhing bstan pa rin po che la zhugs nas rnam par dag pa'i khrel yod kyi bag dang bcas pas/ phyi so thar gyi kun spyod dam pa'i chos 'dul ba las ji ltar 'byung ba bzhin du las 'bras phra mo'ang khyad du mi gsod cing / bslab pa'i gnas rnams las cung zad kyang mi g.yo ba lhur len pa dang / nang byang sems kyi kun spyod phar phyin drug ldan gyi sgo nas bstan pa dang sems can gyi don du snying stobs mchog tu gyur la/ gsang ba sngags kyi kun spyod phyi nang gsang ba lha'i de kho na nyid dang ma bral ba'i ngang nas/ bsnyen pa dang / sgrub pa dang / mchod pa dang / bstod pa dang / gtor ma sogs kyis bla ma yi dam mkha' 'gro chos skyong dus rtag tu mnyes par mdzad pa ste/
List of Kun dga' rnam rgyal's daily practices; A: pp. 33.15-35.9; B: ff. 12a6-12b7; C: pp. 25-26
des na zhag re'i thugs dam gyi rim pa ni/ bzheng ba'i rnal 'byor gyi rjes su rnal 'byor dbang phyug gi bsrung ba sngags brgya re dang bcas pa/ 'khrul 'khor rlung sbyor/ lam 'bras kyi dmigs pa sogs rgyas bsdus skabs [A:34]dang sbyar ba/ dzam chu dkar gtor dang bcas pa'i skabs su dzambha la gnyis la sngags brgya re/